ჩვენს მოსწავლეებს იანვარში ერთ კვირიანი სასწავლო პროგრამით ჰამბურგის სკოლა, Gymnasium Finkenwerder, უმასპინძლებს.
გაცვლით პროგრამაში მონაწილეობა შეუძლიათ მწვანე სკოლის ოთხივე კამპუსის იმ მოსწავლეებს, რომელთაც მეორად ენად გერმანული აქვთ არჩეული.
პროგრამა მიზნად ისახავს მოსწავლეების ჩართვას სასწავლო პროცესში, გერმანული ენის გაკვეთილებს, ადგილობრივ თანატოლებთან სოციალიზაციას და რა თქმა უნდა, ქალაქის ტურებს.
პროექტის მიზანია მოსწავლეების კულტურული მსოფლმხედველობის გაფართოება და მათთვის საერთაშორისო გამოცდილების შექმნა.
გერმანიის გარდა, მწვანე სკოლა მოსწავლეებს გაცვლით პროგრამებს საფრანგეთში, ესპანეთსა და ნიდერლანდებშიც სთავაზობს.
გაცვლითი პროგრამების მეშვეობით, ჩვენ ვცდილობთ გავაუმჯობესოთ მოსწავლეების ენობრივი უნარ-ჩვევები, განვავითაროთ მათი სოციალური და კომუნიკაციური უნარები, გავაუმჯობესოთ მათში ტოლერანტობისა და მრავალფეროვნების აღქმა. მოსწავლეებს ვუქმნით შესაძლებლობას, რომ მიიღონ ცოდნა და გამოცდილება, რომელიც დაეხმარება მათ მომავალში ჩამოყალიბდნენ წარმატებულ და გლობალურად მოაზროვნე მოქალაქეებად.
რეგისტრაცია: ბმულზე https://forms.gle/qFDUpQWsZP59ZRmG9
