ჩვენი სკოლის თითოეული კამპუსი გამორჩეულია ეკოლოგიური ინფრასტრუქტურით. თითოეული მათგანი მდებარეობს ბუნებრივად გამწვანებულ ტერიტორიაზე, რაც ხელს უწყობს იმას, რომ ბავშვებმა განათლება მიიღონ ეკოლოგიურად სუფთა, ჯანსაღ სასკოლო გარემოში. კამპუსების ეზოებში განთავსებულია სკვერები, ღია სასწავლო და სათამაშო სივრცეები – ფანჩატურები.

ჩვენი ოთხივე სკოლის ინფრასტრუქტურის შემადგენელი ნაწილია:

• ღია სტადიონი და დახურული სპორტული მოედანი;
• სააქტო დარბაზი;
• ბიბლიოთეკა;
• ლაბორატორია;
• კომპიუტერული კლასი.

საკლასო ოთახები კი სრულად აღჭურვილია თანამედროვე სტანდარტების შესაბამისი ავეჯითა და უახლესი სასწავლო რესურსებით, მათ შორის „სმარტ დაფებით“. 

მისია და ხედვა 

ჩვენ, ჯანსაღ სასკოლო გარემოში, ხარისხიანი განათლების მიწოდების გზით ვზრდით დემოკრატიულ, ჰუმანურ, ცოდნაზე ორიენტირებულ, მოქალაქეობრივი პასუხისმგებლობის მქონე, გლობალურად მოაზროვნე თაობებს.

მიზანი

ჩვენი მიზანია, რომ განათლების მიღების პროცესი იყოს ლაღი, თავისუფალი, შემეცნებისა და კვლევა–ძიების ინტერესის გაღვივებაზე დაფუძვნებული. ჩვენი მთავარი ამონაცაა, ბავშვებმა თავი იგრძნონ სასკოლო საზოგადოების ბედნიერ და სრულფასოვან წევრებად.

ღირებულებები

ჩვენ გვჯერა, რომ სასკოლო საზოგადოებას ერთად ქმნიან სკოლის ადმინისტრაცია, მასწავლებლები, მშობლები, მოსწავლეები და კურსდამთავრებულები. სწორედ ამ მიზნით, სასკოლო ცხოვრების ყველა საფეხურზე გათვალისწინებულია მათი ინტერესები და მოსაზრებები. 

ჩვენი მაღალკვალიფიციური გუნდის თითოეული წევრი იზიარებს ისეთ ღირებულებებს, როგორიცაა: თანასწორობა, სამართლიანობა, საქმის სიყვარული და ერთგულება, პატიოსნება და კეთილსინდისიერება, სხვისი აზრისა და შრომის პატივისცემა, მიუკერძოებლობა.