გაეროს მოდელირებით საზოგადოებრივი პროექტები წარმატებით დავასრულეთ!
მწვანე სკოლის ოთხივე კამპუსის მოსწავლეები ერთ სივრცეში გაერთიანდნენ და გაეროს მოდელირების ფარგლებში სხვადასხვა ქვეყნის დელეგატების როლი მოირგეს. ღონისძიებაში მონაწილეობა მიიღო დაახლოებით 80-მდე მოსწავლემ, რომლებმაც აქტუალურ საერთაშორისო საკითხებზე იმსჯელეს, გამართეს დებატები, აწარმოეს მოლაპარაკებები და იმუშავეს საერთო გადაწყვეტილებების შემუშავებაზე.
წელს მუშაობდა 5 კომიტეტი, სადაც მოსწავლეებმა გამოავლინეს ანალიტიკური აზროვნება, არგუმენტირებული მსჯელობის, თანამშრომლობისა და ლიდერობის უნარები.
ღონისძიების დასასრულს გამოვლინდნენ გამარჯვებულები სამ ნომინაციაში:
საუკეთესო დელეგატი (Best Delegate)
ღირსეული შექება (Honorable Mention)
საუკეთესო პოზიციის განაცხადი (Best Position Paper)
გაეროს მოდელირება საზოგადოებრივი პროექტების შემაჯამებელი აქტივობა იყო.
ვულოცავთ ყველა მონაწილესა და გამარჯვებულს! 
განსაკუთრებული მადლობა მოსწავლეებს, რომლებმაც კიდევ ერთხელ დაგვანახეს, რამდენად მნიშვნელოვანია აქტიური მოქალაქეობა, თანამშრომლობა და პასუხისმგებლიანი ლიდერობა თანამედროვე სამყაროში.
